რეზერვი – ტრადიციული მეთოდით დამზადებული ცქრიალა ღვინო
მწარმოებელი – ბაგრატიონი 1882
2007 წლის მოსავალი 1 წლის დაძველებით
ყურძნის ჯიში – ჩინური, ციცქა, მწვანე
სს “ბაგრატიონი 1882” – მა წარმოადგინა ახალი ცქრიალა ღვინო რეზერვი.
ეს არის ცქრიალა ღვინო განსაკუთრებული შემთვევისათვის, რადგან რეზერვი მართლაც რომ განსაკუთრებულია საქართველოს ბაზარზე არსებულ ცქრილა ღვინოთა შორის. პროდუქტი გამოირჩევა დამზადების წესითა და ასევე სრულიად ახალი და განსხვავებული გემოთი.
რეზერვი დამზადებულია ფრანგული შამპანიზაციის, ანუ ბოთლური მეთოდით, რაც იმას ნიშნავს, რომ ღვინის მეორადი ფერმენტაცია მიმდინარეობს ბოთლში. თავად ღვინის დაწურვისას გამოყენებული იყო ქართული ყურძნის საუკეთესო საშამპანურე ჯიშების ჩინურის, მწვანესა და ციცქას 2007 წლის მოსავალი. მოსავლის მიღებისას საგულდაგულოდ და ზედმიწევნით შეირჩა მტევნები, რამაც პროდუქტის უმაღლესი ხარისხი განაპირობა. ამჯერად ბაგრატიონი 1882 მომხმარებელს შესთავაზა რეზერვი ბრუტის სახეობით. მომავალში იგეგმება ამავე დასახელების ნახევრად მშრალის გამოშვებაც.
ქართველ სპეცილაისტებთან ერთად რეზერვის დამზადების პროცესში მონაწილეობას ღებულობდნენ მაღალკვალიფიციური, გამოცდილი გერმანელი სპეციალისტები.
რეზერვი უკვე გადის ექსპორტზე აშშ-სა და გერმანიაში. პროდუქტი წარმოდგენილი იყო საერთაშორისო გამოფენებზე დუსელდორფში (Prowein 2009) და ლონდონის ღვინის საერთაშორისო გამოფენაზე, სადაც სომელიებისა და სპეცილისტების დიდი მოწონება დაიმსახურა.
ბაგრატიონი 1882 -ში განსაკუთრებული ყურადღება დაეთმო პროდუქტის შეფუთვას. დიზაინი დაამუშავა ცნობილმა გერმანულმა კომპანიამ Concept Frankfurt – მა. ჩატარდა თვისობრივი კვლევები საქართველოში, აშშ –ში და გერმანიაში. ფოკუს ჯგუფებთან რეზერვის შეფასებისას და განხილვისას გამოიკვეთა, რომ პროდუქტის იმიჯი არის სოლიდური, არისტოკრატული. კვლევის მონაწილენი რეზერვს განიხილავდნენ, როგორც განსაკუთრებული შემთხვევების აღსანიშნავ სასმელს, პრეზენტაციების ერთ-ერთ აუცილებელ ატრიბუტს და ასევე ძვირფას საჩუქარს .
რეზერვი იყიდება სასტუმროებში, კაფეებსა და რესტორნებში, ასევე საცალო სავაჭრო ქსელში.
ბაგრატიონი 1882-ის განაგრძობს განვითარებას და მომხმარებელს მრავალფეროვან პროდუქციას სთავაზობს. რეზერვი კიდევ ერთი სიახლეა ცქრილა ღვინის მოყვარულთათვის.